\/مَوْضُوُعْ مُتَمَيِّزْ \/اسبوع اجازة عيوز برستيج

$\/مَوْضُوُعْ مُتَمَيِّزْ \/اسبوع اجازة عيوز برستيج 2a11de8743$

مرحبا السااااع
يالله واخيرا فكرو يعطونا اجازه ..نرتاح فيها بعد الكراف اللي كرفناه ايام المنتصف
ايام المنتصف ...الله يرحمها...
الكل شاد حيله اللي يحط بوسترات تشجيعيه فـ الجناح وفـ الصاله (فـ سكن الطالبات)
.. يا حلاتها الدراسه متعه ووناسه..
وادعية المذاكره تحصلونها فـ كل حجره
........الخ
واللي يعاقب روحه وما يدلعها شراتي >>الاخت مسويه سجن الالكترونيات..
وساجنه موبايلها ولابتوبها...لين ما تخلص دراسه تحررهم...هههههه
والله ايام...ولا كل بنت لو تبي تغير جو تسير حجرة ربيعتها وهناك الكل يالس يدرس
يعني الكل جاد ايام المنتصف...
الله يرحمها من ايام..

المهم يقولكم اليوم عيوزتكم بدت اجازتها...وصبحت عـ عاشق الليل
ودلوعة الامارات قاعدين يستعدون لامتحان السيبا

$\/مَوْضُوُعْ مُتَمَيِّزْ \/اسبوع اجازة عيوز برستيج SUt69642$

ويقولكم استاذ عاشق الليل مب دارس شي...يقول الامتحان مصخره
ما يباله>>الريال واثق بييب الدرجه النهائيه...حلو
ووحليلها دلوعة تمت طووول اليوم تدرس وتشد حيلها
ام خليل ما قصرت درستها والاسئله اللي علقو فيها
عيوزكم العبقريه حاولت تفهمها خخخخ
...............................

ويقولكم فـ الصوب الثاني ...جيونو والبلوشي مصبحين عـ البليستيشن
من الملل شليت فطوري وسرت صوبهم وتميت العب وياهم..

$\/مَوْضُوُعْ مُتَمَيِّزْ \/اسبوع اجازة عيوز برستيج 1Si70482$

طبعا لعبتي المفضله (ذا كينج اوف فايتر)..اممم ما غلبتهم ..بس تصدقون يوم غشيت غلبتهم...
ههههههه...
وعقب تميت متملله ...عاشق الليل راح يمتحن ...واستاذ جينو سار يسبح
وانا حضرتي يودت دفتري وتميت اكتب قصه...مب قصه ..لقطه من القصه خخخخ

$\/مَوْضُوُعْ مُتَمَيِّزْ \/اسبوع اجازة عيوز برستيج U2I70538$

فترة تميت عـ اللاب...>>فاضيه البنت ما وراها شي
دشت علي ام خليل وقالت لي تعالي وياي البنك..
وجااان اسير وياها...ياربييي شو زحمه الدرب

$\/مَوْضُوُعْ مُتَمَيِّزْ \/اسبوع اجازة عيوز برستيج 08k70588$

تقريبا نص ساعه فـ الدرب...
مع انه البنك فرة حصى...ما يباله كل ها لوقت...
الناس ترتاح فـ الاجازات ...وايام الدوامات زحمه..
بس ما ادري ليش هاليوم اللي نحن بنطلع فيه كل الخلق ناويه تطلع
وتزاحم علينا..وتلعب باعصابنا..
الله كريم..

المهم يوم وصلنا البنك.. ام خليل سحبت رقم الانتظار..

$\/مَوْضُوُعْ مُتَمَيِّزْ \/اسبوع اجازة عيوز برستيج 7Vb70632$

وجاااان انصعق...ليكون بس اليوم 500 وحده حاضره البنك..
ما اظن 500 متى لحقو يخلصونهم...شكلهم هالشهر كله من بدايته لين اليوم
اللي سرناه استو 500..
المهم البنك كان زحمه...مب وايد زحمه..بس اللي مداومين ثنتين
واللي يتريون عشر بالكثير..
يالله صبرنا يوم زحمة السير...بنصبر الحين..

$\/مَوْضُوُعْ مُتَمَيِّزْ \/اسبوع اجازة عيوز برستيج 13Z70736$

وصلنا 580 يعني بعد 9 اشخاص بيكون وصلنا دور ام خليل
اللهم طولك ياروح..
المهم تأخرنا وايد...وابوي يدق عـ تلفوناتنا ويقول خلصو وخلصو
يوم ردينا السياره...حصلنا هوشه محترمه..خخخخخ
ما علي تحدث في ارقى العايلات..

.......................
يوم ردينا من البنك...الاهل كانو مخططين نسير نيب العيال (دلوعة الامارات وعاشق الليل) من تقنية الشارجه
بعد ما يخلصون من امتحانهم .. ومنها نسير حديقة الشارقه الوطني
وناخذ غدانا ويانا ونتغدى هناك>>...حلو..من زمان ما طلعت وما شميت هوا
....................
المهم حطينا اغراض الرحله فـ السياره..وسرينا صوب عاشق ودلوعه
وفولللاااا
وصلنا المدينه الجامعيه...
ياربييي شحلاتها
وطبعا ضيعنا ما ندري وين تقنية الطلاب ووين تقنية الطالبات
قلت حق ابويه جوف...المكان اللي تتزاحم فيه السيارات ..اكيد هناك التقنيات
وافديته ابويه راح عـ شوري خخخخخ>>بعد ما اطنز علي

$\/مَوْضُوُعْ مُتَمَيِّزْ \/اسبوع اجازة عيوز برستيج Bx770819$

المهم ..دلوعه يوم خلصت الامتحان فوللا يت صوب المخرج
وجافت السياره ودشت...وكالعاده لازم محد يسألها شو كان الامتحان
لانها بمزاجها بتقولكم إذا كان سهل ولا عادي ولا صعب خخخخ
وعاشق الليل لابس لكم ذاك الختم و النظاره السبورتيه...وواثق الريال وداش علينا...
ويقول الامتحان كان تافه وسخيف مال يهال..>>.حلو..يعجبني
............

يللا الحين سرينا صوب حديقة الشارقه الوطني...
يمكن صار لي سنتين ما طبيت هالحديقه..

بسم الله طبينا الحديقه...وقبل اي شي لازم تقرون الارشادات...

$\/مَوْضُوُعْ مُتَمَيِّزْ \/اسبوع اجازة عيوز برستيج S6E70865$

تابعو ..يومياتي

[center]صدق انج عيوز برسسسستييييج ولا منو العيوز اللي بتكتب النا يوميياتا بكل ها الروعة والجمال
عاد انت غييير برستيج متطورة لكن بتظلين عيوز تقولين السالفة بكل تفاصيلها الدقييييقة
بارك الله فيج موفقة دنيا واخرة

ام خليل كتب:: [center]صدق انج عيوز برسسسستييييج ولا منو العيوز اللي بتكتب النا يوميياتا بكل ها الروعة والجمال
عاد انت غييير برستيج متطورة لكن بتظلين عيوز تقولين السالفة بكل تفاصيلها الدقييييقة
بارك الله فيج موفقة دنيا واخرة

تسمين غلاي ام خليل...كلج ذووق..

خخخخخخ...ترا صدقيني مب بس العيايز يقولون السوالف بالتفصيل الممل
البنات بشكل عام تنطبق عليهم هالقاعده...^*..

تسلمين حياتو ام خليل عـ الدعاء...وربي يوفق الجميع..

مشكوره عـ المرور اللي نور موضوعي..
ربي لا هانج..

احم...انا بااك...

وين وصلنا؟!....

هي صح...

يوم وصلنا الحديقه ... نقينا مكان فيه ظله عوده ...وفتحنا الحصير هناك
وبسم الله بدينا نتغدى...مع انه عادة نتغدى الساعه وحده او هنتين
بس اليوم غير...الساعه 3 تغدينا...>> امتحان السيبا أخرنا
..............

بعد الاكل شو يسوون ... يحوطون ويهضمون

تصدقون الحديقه كانت فاضيه فاضيه فاستغلينا الوضع..
انا والدكتوره سمسومه ركبنا الزحلاقيه العوده
خخخ جامعيه ودكتوره ...لا تعليق

$\/مَوْضُوُعْ مُتَمَيِّزْ \/اسبوع اجازة عيوز برستيج NCn80599$

واستاذ عاشق الليل وجيونو يصورون فيديو تحت ...خخخخ
ياخي خلونا نعيش حياتنا..

افترينا فـ ارجاء الحديقه الواسعه الفاضيه

$\/مَوْضُوُعْ مُتَمَيِّزْ \/اسبوع اجازة عيوز برستيج Ih780646$

$\/مَوْضُوُعْ مُتَمَيِّزْ \/اسبوع اجازة عيوز برستيج EzW80680$

عقب اتفقنا ان نتشرى من دكان الحديقه عقب نسير صوب الالعاب ونركب القطار
اللي يفتر بالارجاء الحديقه..

وسرينا المقصف (اي دكان فيه دريشه ما شي باب عيل اسمه مقصف خخخ عـ كيفي)

$\/مَوْضُوُعْ مُتَمَيِّزْ \/اسبوع اجازة عيوز برستيج DC280715$

المهم تشرينا جيبسي بيبسي عيسكريم ...وكله عـ حساب عاشق الليل وجيونو..
خخخخخ
وسرينا صوب القطار

$\/مَوْضُوُعْ مُتَمَيِّزْ \/اسبوع اجازة عيوز برستيج VOX80770$

شرينا التذاكر لخمسة اشخاص انا وسمسومه وعاشق الليل وجيونو ودلوعه

$\/مَوْضُوُعْ مُتَمَيِّزْ \/اسبوع اجازة عيوز برستيج KyW80811$

واتفقنا نيلس عـ الكراسي الاخيره فـ القطار

$\/مَوْضُوُعْ مُتَمَيِّزْ \/اسبوع اجازة عيوز برستيج 3Ke80863$

تمينا ربع ساعه نتريا ...لين ما السايق حضرته يتكرم ويتشرف يسوق
كنا بروحنا ...بس يوم بغى القطار يسري..يت عايله هنديه
ماشاء الله عليهم شكثر..
ويلسو يدام..
ويوم تحرك القطار بدو يزاعجون ...اونهم مستانسين
حليلهم قلنا إذا قطارالموت كنا بنزاعج
بس الا هو قطار ياريت لو كان سريع
جنه يمشي على بيض..
المهم افترينا فـ انحاء الحديقه بالقطار..
والهوا يضارب ..
الصراحه الجو كان حلو...مع ان الشمس كانت قويه فـ القايله بس عقب خفت

........

جوفو الالعاب ...كلها مال يهال ما تناسب اللي اعمارنا
الله يرحم ايامنا ..

$\/مَوْضُوُعْ مُتَمَيِّزْ \/اسبوع اجازة عيوز برستيج BsM80913$

هاي اللعبه جديييمه مال العصر الحجري..ولين الحين تصدقون صامده تشتغل
خخخخخ

$\/مَوْضُوُعْ مُتَمَيِّزْ \/اسبوع اجازة عيوز برستيج VIF80970$

هذي اللعبه الصراحه اول مره اجوفها...
زين تطورو شوي...

$\/مَوْضُوُعْ مُتَمَيِّزْ \/اسبوع اجازة عيوز برستيج NKa81009$

هاي اللعبه ولا احلى...خخخخ
مارد المصباح يجذب الواحد
طبعا ما بلعب هاللعبه كبرت عليها...خخخخ

...................

قبل ما نطلع من الحديقه الاولاد راحو يلعبون كوره ويا ابويه
ترى الحديقه كبروها وحطو فيها ملاعب عوووده

واحنا البنات كنا ضيوف شرف ...متفرجين

$\/مَوْضُوُعْ مُتَمَيِّزْ \/اسبوع اجازة عيوز برستيج RYz81421$

$\/مَوْضُوُعْ مُتَمَيِّزْ \/اسبوع اجازة عيوز برستيج Zyo81445$

وعقب تعبنا ونوينا نرد البيت...

وطبعا الكل راقد فـ السياره تعبو من كثر اللعب..

وبس..هذي كانت رحلتنا...اتمنى انكم عشتو الوضع...هههه

تابعو يومياتي

ما شاء الله عليج يالعيوز

يبتي كل السوالف بدقة تامه

واااااااااو ....كشخة ...ذكرتيني بيوم امتحان السيبا ...يوم رحت التقنية امتحن ..شفت عجب العجاب ..مو تقنية...إلا مب طالبات هذيل ..عارضات ازياء ..حليلهن ناقصات عقل ..قلنا نكشخ مو جذه عاااد ...خخخ
..
فديتج عجيبة يومياتج .. عسى الفرح مديم ف حياتنا ...

خخخخخ....يحليلكم ما جفتو شي....ترا المدرسه قوانينها صارمه...وانتو متعودين تجوفون البنات
وهم مكفخات ...>>بدون ميكاب و خرابيط ..

.......

تسلمين حياتو...وعسى الكل تديم عليه الوناسه...

اشكرج عـ المرور اللي نور موضوعي...

لا هنتي

والله شاطرة يا العيوز .... محد قدج ......عيوز ويوميات ومع صور بها التفاصيل .....

شي روعة .... ذكرتيني بأيام زمان يوم كلنا نطلع مع بعض .....

والله أيام وراحت .... بس ان شاء الله ترجع .....

وتسلمين ....يالغالية....

ولدج نصوري الشاطر....فديته الله يخليه لج ...

جفتي كيف...اختكم طالعه عليكم .... الابداااع الا منكم...

الله يرحم ايام زماااان...>>>كل ويكند طالعين اما البر او الحديقه...

ان شاء الله ترجع هالايام ايام اللمه ...

مشكووووره ام نصور عـ المرور الطيب...اللي نور موضوعي...

ربي لا هانج ...

خطيييرة والله يطيج العافية

ووووواااااوووو .... يووميييااااتتت حلوووة ... ما شاء الله بالتفصيل الممل ... شو نسوي شغل عياااايز .... خخخخ .. لا والله بس وااايد فنتك ... يسلمووو عـــ المووضووع الفلة

زائر

عنيييييييييييييفة ..

رووووووعة الصراحة

أسميج يالمحنطة عجيييييبة

تسلمين حبيبتي عالصور وعالرحلة الكشخة

ربي لا هانج ولا عدمج

AKamPi

ما شاء الله

عجيبه عجيبه عجيبه

الله يوفقج يا شطووره

عقبال ما اصير شاطره مثلج واعرف احط صور فنتووكه

ما شاء الله

يسلمو ايديكي واصابعك وعيونك على كل حاجه جميله عجيبه

تستاهلي هديه او يكتبو لكي موضووع مميز على المساهمة الاكثر من رائعه

مبروووووووووووك على الشارة عقبالي احصل على وحدة

$\/مَوْضُوُعْ مُتَمَيِّزْ \/اسبوع اجازة عيوز برستيج Lolololyy$

$\/مَوْضُوُعْ مُتَمَيِّزْ \/اسبوع اجازة عيوز برستيج K3lmj4jzyvdjnmzzngmm$

تسلمووون حبايبي عـ المرور اللي يفتح النفس..

ربي لا هانكم ولا حرمنا من طلتكم الحللوه..

» رد على موضوع رسم جيونو و عيوز برستيج للأعضاء
» \/ مَوْضُوُعْ مُتَمَيِّزْ \/معلومات عن البلوش
» \/ مَوْضُوُعْ مُتَمَيِّزْ \/...فديت روحي...
» \/ مَوْضُوُعْ مُتَمَيِّزْ \/ قال صلى الله عليه وسلم
» \/ مَوْضُوُعْ مُتَمَيِّزْ \/ أحلى أفلام ليكم يا أصدقاء