اكامباي على كرسي الاعتراف

مب اسئلة .. استجواب ها استجواب

1- شوا هو أحلى موقف مريتي بيه ف حياتج و لازال يطري على بالج؟

يوم كنت في الابتدائية .. كنت استانس وايد اذا عرفت انه باجر رمضان .. فمرة .. قال التلفزيون أنه باجر رمضان انا من زود الفرحة نطيت ( و دست على برتقالتي المسكينة .. و انهرست ) ما ادري ليش بس السالفة تضحكني وايد .. 2-

شو هي أكثر الأشياء اللي انتي تحبينها ؟

عايلتي .. صديقاتي .. لاب توبي

3-شو هي أكثر الأشياء اللي تكرهينها ؟

الحقد و الغيرة

4- شو هي قناعتج في الحياة؟

كل شي مسير في الحياة على خطة معلومة

5- شو رايج بالعولمة؟

حركة غبية للفت الأنظار

6- شو هي نظرتج لليائس اللي ييئس من شي ما حصل عليه؟

ما عنده سالفة .. الواحد لازم ما يستسلم من أول فشل .. بالعكس لازم يعتبر الفشل أول خطوة للنجاح

7- شو هي فلسفتج في الحياة (انتي كإنسانة جامعية مثقفة)؟

خل ذيب تسلم من الذيابة

8-شو هو هدفج في الحياة؟

أني أرتقي بنفسي

9- شو هي أكثر الأشياء اللي تحبينها ف نينو؟؟

تفهمها للناس .. و رغبتها في اسعاد الكل

10-شو هي أكثر الأشياء اللي تكرهينها ف نينو؟؟

الحساسية اللي كانت موجودة قبل . خفت الحين الحمد لله

11- منو نينوا ف حياتج؟

من أعز صديقاتي

12- شو هي أكلتج المفضلة؟

لبناني نجن مع جبن و طمام .. ( مسواي في التوستر )

13-لونج المفضل؟

الأسود .. لون الفخامة و الرقي

14-سيارتج المفضلة؟

ما عندي سيارة مفضلة .. ( افضل السياكل )

15- أكثر شخصية محبوبة ف العائلة: من العيايز؟ الكبار؟ الشباب؟؟ الصغار؟ (اذكري واحد واحد منهم)

العاييز : أباجي ( أحيده اباجي شيبة مب عيوز ) خخخخ
الكبار : أم فيصل
الشباب : أم كتكووتو
الصغار : صفي بدون دلع ( الشباب الصغار)

في غيرهم والله .. بس هي طلبت واحد بس ..

16-منوا أحلى شخصية في المنتدى ؟؟ و بصراحة

الكل .. بس اذا تبين أكثر وحدة تضحك سوالفها و ربشة (أفنتك )

17- لو قلنا لك انت المديرة و لج صلاحية طرد اي عضوا من أعضاء المنتدى .. فاطردي اي عضوا الحين فها اللحظة و على كيفج .. بتطردين منو؟؟(لا تقولين محد)

ليش لو ؟؟؟ شارتي الحمرة مب تارسة عينج ؟؟؟؟ خخخخخخ .. همممم بطرد فروشة لأنها تكتب اسمها بالكامل .. كافي فضايح يا ناس .. خخخخ .. مب لشي والله بس أستعبط .. فديت فروشة


18-اشرايج ف يدي صارم الصارم؟؟

أكرهه .. أحسه علة على الإنسانية

19- اشرايج بآسي ذو الأرواح المتعددة؟

وععععععععع .. اكرهه أكثر

20- كلمة من اكمباي لنينو مينو..

سباتزا كامينا

واااابوووويااااا...شاده حيلها.. مجاوبه كل الاسئله

لاحقه اول باول..

هههههههههههههههه..

ما يبت وياي شي..بس جي اطمش..

وازيد من مشاركاتي..واككككك

تريي ماي قويسشن

الله أكبر الله أكبر


قل أعوذ برب الفلق .. من شر ما خلق ..


قالت وابويي .. ما قالت ما شاء الله ..

يا لابي و يا ايدي .. عليكم العوض



خخخخخخخخ ..


انتي ما شبعتي من الأسئلة ؟؟؟

يا ريت سؤال شرات الخلق ..

اسئلتها كلها بارتات .. ياخي هذا غش .. ما اييووز


هههههههههههه .. عن تصيحين عيوزنا .. حياج بأي وقت ..

ما ادري شو أسأل
هاذي نينو مينو مخلصة الامتحانات و مأجزة يت خلصت كل الأسئلة

بس بعده في leftover
هذي الأسئلة، بسم الله:

-موقف أثر فحياتج أو طريقة تفكيرج، ممكن تسردينه.
-هل في شخص في يوم من الأيام قدم لج خدمة أبد ما تنسينها و تبين تردين الجميل؟ و مين هو؟
-هل في شخص في يوم من الأيام سبب لج أذى ما تنسينه أبدا و كان خاطرج تردي عليه؟و شو سويتي بالضبط تجاه هالموقف؟
- من هو أقرب الناس لقلبج على الاطلاق (ثقة و إخلاص و مودة)؟
- إيش هو هدفج في هذي الحياة؟(يمكن السؤال مكرر بس بغيت اجابة محددة -يعني ما open answer)
-شو رايج فأم عمر؟

هيه واعذابي مديرتي عالكرسي الاعتراف..ليش ..من متى..عشان..السبب..بس لايكون [/col[color=red]or]لعوزتوها..
دام هي عالكرسي الاعتراف بالمرة راح أسئلها..
(سيداتي سادتي النايمين على الوسادتي..أسعد الله صباحكم ومسائكم وكل أوقاتكم..أما بعد:
هيه أكمباااي أنا جيييت ومعاااي أسئلتج..يلا جهزي حالج وجاوبي عالاسئلة بكل صراحة من دون لف ودوران..وأبغي أذكرج بشي الأجوبة أريدها منج أنتي مو أنج تستعينين بصديق أو الجمهور او الاتصال لااااااااااااا..احنا في برنامج كرسي الاعتراف..مو برنامج من سيربح المليوووون..)أوكي يلا نبدأ..خذي نفس عميق..
-كم شعرة في راسج؟
-كم حبة في ويهج؟
-كم كان درجتج في العلوم مال صف الرابع؟
-متى اخر مرة قلتي فيها(كنوك)؟
-شو السور اللي حفظتيها في الصف الثاني؟
-متى اخر مرة تضاربتي فيها((ضرابة مال شد شعر والرفس واللعوزة))؟
-شو اسم أستاذتج مال الرياضة مال صف الاول؟
-هل أفنتك تحب المينو مع الفلفل ولا من دونه؟
-ايه أنتي تقدرين تحلين هالمسألة في ثانية(4×6+5÷10×11-9×50+44÷2)؟
-شو لون رباطة شعرج اللي ربطتيه قبل ما تدشين الجامعة؟
-في الاسبوع كم مرة أباجي يدور حول البيت؟على علمي أن أباجي كل يوم يتمشى؟
-كم كان عمرج لما دشيتي صف الاول؟أوكي راح أعطيج اختيارات(9-10-11)؟
-احين سؤال جد ..من قائل هذا البيت:(جكبت جكابيت..لكبت لكابيت..مشكي الالوان..ورسم على حيت..شو اعمل معاكي يا ابلة حمادة..اللي أعمل ايده أسوأ عادة..ارسمي لوني شو ما بدك..بس أنه جكبتي على حيت..)؟

هاااااااااااو واخيرا خلصت..هي انتي شكري ربج ان اسئلتي شوية وسهلة ما يباله فلسفة وعبقرية..شكلج مسكينة تعبتي واااااايد من كثر الاسئلة اللي عطوج ايااه..اوكي راح اريحج شوي راح اقولج نكت..خخخخ*ريال سأل صيني؟شو اسمك؟قال(مشان شو)..هذا اسمه..
فرد عليه الريال:مشان اتعرف عليك..خخخخخ
*سوداني معلق على المروحة يدخلوه البحر ويطلعوه ليييش:عشان دعاية ليبتون..خخخخخ
هي صح عن أنسى..سمعت أن موس راح تعطيج هدية يوم ميلادج..خبريها عشان تعطيني أنا بعد..لانها ما عطتني هدية يوم ميلادي..وثانيا أنا سكرتيرتح يعني أي حد اذا عطاج هدية لازم يعطوني أنا بعد..ترا ما في فرق بين الابيض والاسود..ولا بين المديرة والسكرتيرة..خخخخخ

هههههههههه...احلى أسئلة من أفنتوك ...
واخيبتاه للحين ما نسيتي سالفة الهدية يا أفنتوك ؟؟.......
يصير خير حححاي

اللهم طولك يا روح ..


خخخخخخخخخ .. نيي لاسئلة أم عمر


-موقف أثر فحياتج أو طريقة تفكيرج، ممكن تسردينه.

دخولي للجامعة .. ( و أنا بعيدة عن أهلي ) غير من حياتي و أثر فيني وايد ..
أحس عمري صرت اقوى عن قبل .. و أتحمل اذا حد عطاني رمسة .. و اقدر أيود اعصابي أكثر بما انه امر يوميا بمواقف ترفع الضغط من البنات و الاداره اللي ما تعرف اتنظم ..

و خاصة أني اول كورس لي بالجامعة طحت على بنات الله لا يراويج كيف .. و تأذيت منهم وايد .. فلما يا الكورس الثاني قلت لازم ما استوي شرات الكورس اللي طاف .. و سرت عند وحدة ثانية .. و طلعت اخس .. ( كنت من الأرف اللي أعيشه ما أرقد في الحجرة والله .. كنت ارقد في البلكونة ) ماا كانت عندي شخصية ما اقدر اقول شي أبدا .. بس الحين غييير .. الحمد لله اذا شي ما عيبني هنيه أقوله .. و ما صارن البنات يتحكمن و ما صرت امشي ع هوا حد ..

-هل في شخص في يوم من الأيام قدم لج خدمة أبد ما تنسينها و تبين تردين الجميل؟ و مين هو؟

أم القطوة الدلوعة .. يوم امي و ابوي راحو ألمانيا .. محد سأل عنا غيرها .. كانت كله تتصل فينا و تي صوبنا و تتخبر .. وايد كانت اتحاتينا .. و اذا بغينا شي كنا نستحي نطلب من عمي .. كانت توفره لنا على طول ..

خالي يوسف ما بننسى الجميل اللي سواه لنا يوم بعد امي و ابوي محد .. كان يوفر لنا كل اللي يقدر عليه و يسوي كل شي عشان يسعدنا و يسعد اختي الصغيرة اللي كانت ويانا .. كان كله يطلعنا و ييب لها هدايا .. و غير لما سرت امتحن الايلس .. كان يوميا يوديني و ييبني من العين .. كنت أجوف التعب عليه بس دايما ينكر يقول لا والله عادي و جي ..

هالاثنين ما بنسى جمايلهم طول ما انا عايشة ..

-هل في شخص في يوم من الأيام سبب لج أذى ما تنسينه أبدا و كان خاطرج تردي عليه؟و شو سويتي بالضبط تجاه هالموقف؟

فيه
شخص طلع علي رمسة .. و نشر كلام عني ..
ما سويت شي بلعت غصتي و سكت .. شي ناس غصبن عنا نحترمهم لأنهم الأكبر ..
و شي ثاني .. مرة كنت ارمس عيوز عنهم .. قالت لي كلام خلاني افتح عيوني ع اشيا حلوة .. عشان جي الحين .. أنا ما أحقد عليهم لأنه يمكن هم طبايعهم جي .. يعني ما يقصدون الأذية .. و ادعو ربي انه يهديهم و يصلح بالهم

- من هو أقرب الناس لقلبج على الاطلاق (ثقة و إخلاص و مودة)؟

أمي ثم أمي ثم أمي

- إيش هو هدفج في هذي الحياة؟(يمكن السؤال مكرر بس بغيت اجابة محددة -يعني ما open answer)

و اللاهي هدفي أني ارتقي بنفس من نواحي وايدة .. أبا اكون انسانة علاقتها قوية بربها .. علاقتها ناجحة ويا اهلها و ربعها .. و انسانة ناجحة بحياتها العلمية .. و العملية ..

و ابا ابرد قلب امي و أبوي علي .. بما اني ام الأكشنات .. و دايما افعل ما لا أريد .. خخخ

-شو رايج فأم عمر؟

فديتها والله أم عمر انسانة تستحق كل الاحترام و التقدير ..

و والله أحب اسولف وياها لأنه دايما سوالفها منطقية و حلوة .. و تدش الخاطر بسرعة ..

و أتمنى لها كل الخير في حياتها ..


ان شاء الله كفيت و وفيت

تريي ان ما وريتج يا فنتك يالطبل

-كم شعرة في راسج؟

قد العر في راسج × 2

-كم حبة في ويهج؟

ولا حبة الحمد لله .. ( في حبوب صغيرة احس فيها بس ما تبين .. يعني مب محسوبة )

-كم كان درجتج في العلوم مال صف الرابع؟

اسألي أبلة كنيز

-متى اخر مرة قلتي فيها(كنوك)؟

اليوم

-شو السور اللي حفظتيها في الصف الثاني؟

جزء عم .. و الأبلة عطتني 30 درهم مكافأة ..

-متى اخر مرة تضاربتي فيها((ضرابة مال شد شعر والرفس واللعوزة))؟

السبوع اللي طاف ويا صفي ( بس مزح طبعا .. اذا جد .. من زمان ما تضاربت جي ضرابة )

-شو اسم أستاذتج مال الرياضة مال صف الاول؟

أفنتك

-هل أفنتك تحب المينو مع الفلفل ولا من دونه؟

تحبه مع الفلفل

-ايه أنتي تقدرين تحلين هالمسألة في ثانية(4×6+5÷10×11-9×50+44÷2)؟

طبعا أقدر .. بس مب متفيجة لج .. ها ها

-شو لون رباطة شعرج اللي ربطتيه قبل ما تدشين الجامعة؟

قوس قزح

-في الاسبوع كم مرة أباجي يدور حول البيت؟على علمي أن أباجي كل يوم يتمشى؟

في اليوم 3 مرات .. 3×7 = 21 مرة في الاسبوع

-كم كان عمرج لما دشيتي صف الاول؟أوكي راح أعطيج اختيارات(9-10-11)؟

خياراتج غلط .. كان عمري 7

-احين سؤال جد ..من قائل هذا البيت:(جكبت جكابيت..لكبت لكابيت..مشكي الالوان..ورسم على حيت..شو اعمل معاكي يا ابلة حمادة..اللي أعمل ايده أسوأ عادة..ارسمي لوني شو ما بدك..بس أنه جكبتي على حيت..)؟

سؤال جد ؟؟؟
ريلج اللي قايل هالبيت




صاحية انتي ؟


خخخخخخخخخ

هههههههه ما يخصج ....

آآل ما يخصني آآل ..