سلام عليكم يا حلويين
اتعرفووني انا في قمة الكسل
وبسبب كسلي صايره عملاقه
سوري نيجي للمهم
هاي الكنافة حق اللي يحبوون الكنافه وما عندهم وقت يسوونها
اتعرفوون المقادير ما في داعي اكتبها (صج سودانيه)
سخني المقلاة على النار (مقلاة كبيره احسن ، او جدر مافي مشكله اذا متعايزه اتدورين على المقلاة)
فتفتي عجينة الكنافه على السريع (افريكيها بين راحتي يدك)
على طوول في المقلاة او القدر مع التحريك المستمر
اضيفي ملعقتين زيده ، ونصف كوب ماء ورد او زهر
لما تحمر الكنافة اقسميها الى كميتين متساويتين
صفي النصف في صينية الفرن وضغطي عليه حتى يتماسك شوي و ثم وحطي طبقه سخية من القشطه
ثم حطي النصف الباقي من الكنافه المحمره واضغطي كويس
ودخليها الفرن بس علشان نسخن القشطة (لانها محمره اصلا)
طلعيها وصبي عليها شويه لون برتقالي (اللي نستعمله حق البرياني)
ثم قطر (كوبين سكر مع كوب ماء نغليهم حتى يصبح ثقيل القوام شويه) كثير حق اللي ما يسوون ريجيم
واللي يسوون ريجيم ممكن يخربوون ريجيمهم علشان خاطر الكنافة اللذيذة
وخلوها تبرد شويه (علشان تتشرب القطر وتصير طريه )
قطعووها واهجموا عليها
وانا اول المهاجمات (الريجيم نخليه لبكره)
وعليكم بالعافية
يلا يا ام خليل حطي لي صورة كنافة بليز
ربنا ما يحرمنيش منك
الأحد 20 أبريل 2008 - 16:00
