اسرع واسهل بيتزا للكسلانات الي مثلي

هلو يا شاطرات وكسلانات



تعالو شوفو الكسلانه اشلون اتسوي بيتزا




اشتري كيس روتي من الدكان اي روتي دائري او سلايس(يكون احسن)
او طويل





صفي الروتي في صينيه الفرن عدال بعض ( الدواري والطويلالصمون تسوين فيه قطاع عرضي )



ادهنيهم اول بزيت الزيتوون




بعدين بالكاتشب



بعدين حطي المقادير اللي عندج (فلفل رومي - طماطم - زيتوون_ دجاج مفرووم _سجق)


اي شي تحبوونه تحطوونه



بعدين كميه سخيه من الموزاريلا



ثم الى الفرن حتى تذووب الموزاريلا ( تاخذ في الفرن الساخن 5 دقائق فقط)


اذا ما في فرن ينفع المايكروويف


لانه هاي البيتزا ما يبالها تنضيج عجينه


الروتي جاهز ومستوي



وبالعافيه




سوري ما اعرف احط صور علشان لعابكم يسيل

شكرا ام خليل على الصورة



شكرا يالقطوة على الرد الحلو

أخوي حمودي يموووت على شي اسمه بيتزا ..

شكلي كل ويكند يوم بنزل .. بسير اسوي له لأنه موول ما يبالها شي

تسلمين حبيبتي ام كتكوتو الصغنونة عالطبخة السهللللللة ..

بس عندي ملاحظة : اذا حطينا الصمونة في المايكرويف ما بتتيبس ؟ لأني مرات يوم أحطيها يوم اطلعها تكون نااااعمة .. بس من يمر عليها شوي تستوي يابسة مثل الصخر ..

وفي الفرن .. بتكون يابسة اذا طلعناها ولا عادي ؟


و ربي لا هانج و لا عدمج حبيبتي .. ولا حرمنا من تواصلج وتميزج


AKamPi

سؤال جميل يا اجمل اكمبينو




فعلا الصموونه تيبس مع الحراره في الفرن او المايكرو ويف


علشان جذي في الاول ندهنها بزيت زيتون علشان ما تفقد سوائلها


وبعدين عليها كتشب وطماطم فيهم ماي ، يتغلغلون في الصموونه



والكميه الوفيره من الجبنه بعد ما تخلي الماي يتبخر















بس اذا مو مقتنعه من اللي سبق


اكليها وهي ساخنة طريه قبل لا تبرد ،،،، حلاتها لما اتكوون ساخنه ومقرمشه والجبنه سايحة


ومستويه مثل العلووج



اتحدى حد ما سال لعابه من هالوصف



يلا كلكم على المطبخ