امتحان الرياضيات ثالث علمي<<خاص حق عاشق الليل

السلام عليكم و الرحمة .........
أكيد كلكم سمعتو عن امتحان الرياضيات الفصل الأول و كيف كان و شو صار ...الخ ...
المهم .......
يبت لكم (لطلاب الثاني غشر )...خبر شوي مفرح ..نقلته لكم من وحدة ف احد المنتديات سوت لقاء هي و ارباعتها مع ((الموجه الي حاط الامتحان ))...




شحالكم اخباركمـ عساكمـ الا بخيرـ ومرتاحينـ



اممم حبيت انقل لكم شوه صار بالقاء معـ موجه الرياضيات الاول

ف البداايه اكرمنا بحضووره ومن بعد الترحيب نفضل وعبر عن شعوره

رمس عن الامتحان الفصل ال2

وقال انه بيكون اسهل عن الفصل الاول <<<<<رحمنا
وتم يرمسنا عن المنهج
وعطانا مسائل ونحن فراحنين ونكتب المسائل يعني اونه يخبرنا الافكاار <<<<وقال هاه مب معناته هالمسائل بتي ف الامتحااان
بس انا متاكده انه بتي <<<<<ما ادري احسااس
واصلا جم مره قال هاه مب معناته هالمسائل بتي بالامتحان<<<<<احم احم
واصلا كانت واايد تلميحاات <<<<
وقالـ
باختصار عن امتحان الياي
انه بتكون مدته الزمنيه 3 ساعات وما شي اسئله اختياريه يعني ما بيعطونا 6 اسئله ويقولونا اختارو ا 5
الاسئله المطلوبه بتكوون 5 اسئله
ماشي اسئله موضوعيه <<<<<يعني اخيار من متعدد\صح او خطا\اكمل
بيكون فيه برر او فسر او وضح<<<<<<<<<<<<هاه الي اكره

احليـ شيـ قاله

انه الطالب يقدر يحط اكثر عن حل للمساله ع قولته حل 2
والحل الي ايب فيه علامه زينه هو الي بينحسب نحن كلنا استغربنا لانه قايلين الي يحط اجابتين بينحذف جواابه
هو قال انا اقوول هالرمسه جدام المعلمات احينه واونه سيتم تبليغ الموجهين والمعلمين
وع قولته
كل ما هو محلول علي ورقه بيتصحح بالرصاص بالحبر لا تشطبون شي
باي لغه حتي لو كتبتو بالصيني بنيب واحد صيني يترجم<<<<<<<<<<خخخخ هو قال جي

واونه هم يبون ناس يفكرون عسب جي بيعطونا فرصه

ورمس بعد عن الامتحان التجريبي


بعد ما رمس وجي
كانن البنات متحمسات يبن يناقشنه وجي
قالهن لا تخاافن اخر شي بعطيكن وقت حق الاستفساارات

ولما يا دور الاستفسارات<<<<<<<<<<<<<<<<<احلي شي

وحليله قال ياليت لو تنسو الامتحااان الفصل الاول<<<<<<<<<<<<خخخخخخخ


وبدت الاستفساارات والله كان عجيب
احم احم
مدرستنا كانت مسيطره كل ما سالت بنت منا الكل قام يصفق
احمـــــــــــــــــ
بس بصرااحه حسيت بالراحه بعد هالقاء عرفت واايد عن الامتحان وكيف بيكوون
ادري طولت واايد عسب جي بوقف هنيه وضنتي يكفي الي كتبته

واي استفسار انا جااهزه بس عاد
تحياااتي ...




ان شاءالله يكون الامتحان سهل .. و نبيض ويوهكم ...ادعولنا ...

الله حظكم بتخلصون المدرسة وبتفتكون


مشكووووورة اختي على الموضوووع الغااااوي

ونتريا يديدج...

ان شالله ايكون سهل و نفتك م المدارس و احن مستانسين......
ثانكس ع المرور