قالت :الو .. الو .. ففف سيف بموت من القهر والله بموت
قلت : شو السالفه
قالت : البنات الكل يقولي اني خقاقه ودلوعه بعد
قلت : شووو يعني خقاقه ؟؟؟
خقاقه شو يعني ؟ ترى من حقج اتخقين
اصلا الدلع كله بأسمج انتي ينطق
يكفيها الارض فخرا اذا انتي بس تمشين
حتى الارض هي الارض من المشيه تتخقق
اصلا لو تكلمتي وسط الناس تتحجين
كل بنات الكون لأجلج انتي اتصفق
كلهن والله ودهن يكونن مثلج الحين
والكل ترى يحاول من اطباعج يسرق
ذليهم وطالعيهم ابطرف العين
واللي ما يرضى حبي بالطقاق يطقق
رفعي راسج فوق واشري بالايدين
وعلى هونج امشي وقولي كيفي اتخقق!
انتي وين ياحبي وبنات الكون كلهن وين
الله ترى والله خلق هالناس وفرق
انتي مو مزيونه انتي شيخه الزين
وجمال الكون كله تشبع فيج وبرق
حلوه ودلوعه ومن حقج تغترين
ومن كثر رقتج والله ماني مصدق
انتي اصلا اسطوره على مر السنين
هوفي حد مثلج؟جاوبيني وبالمنطق!
الأربعاء 2 أبريل 2008 - 4:34
