أيهما أكشخ ..الزي الإماراتي ..أو الكويتي..أو السعودي؟؟

من دون نقاش حاد او زعل ........ : (

أيهما أكشخ الزي (( الإماراتي / السعودي / الكويتي )) ؟؟!!!

اجتمع مجموعة من رجال الأعمال الخليجيون في أحد فنادق ابوظبي

يناقشون مشروعاً سياحياً يغلب عليه الطابع (المحافظ) ، ويتماشى مع

ديننا ومع عادات وتقاليد مجتمعاتنا الخليجية المحافظة ، يقوم بتشغيل

هذا المشروع العشرات من الشباب الخليجي (فقط) ويريد هؤلاء التجار

أن يطبقوا نظام المواطنة فليس للعمالة الآسيوية أو الخبراء الغربيون

وجود فيه .

ليصبح واجهة حضارية تمثل نمط حياتنا الخليجي ، لسنا بصدد الحديث عن

تفاصيل المشروع ولا عن ماهيته .

ولكن هؤلاء الرجال اختلفوا كالعادة على أحد حيثيات تشغيل المشروع

هم يريدون توحيد (الزي) الذي يرتديه الموظفون ، وهذا أساس الخلاف

بينهم ...

رجل الأعمال الكويتي يقول

: نعتمد (الدشداشة الكويتية) والغترة البيضاء ، ووجهة نظره يقول إنها

أوجه (وأكشخ) والجميع يستطيع ارتدائها فالسعوديون يلبسونها

والبحرينيون يلبسونها والعمانيون والإماراتيون كلهم يعرفون الدشداشة

الكويتية ، كما انها تناسب اهل (الكروش) فهي مريحة للجميع .

رجل الأعمال الإماراتي يقول :

(الكندورة) الاماراتيه تمثل الأسلوب العريق

والتراثي للثوب العربي الأصيل (والحمدانية) او العمامة العربية الاصيلة

تعطي انطباعاً بدوياً عربياً أصيلاً

رجل الاعمال السعودي يقول : <<<

لا للجميع (الثوب الحجازي) والشماغ الاحمر والعقال

أكشخ وأكثر أناقة وهو الى الأصالةٍ أقرب ، وأضاف مستطرداً أن الثوب

الحجازي (المخصر) يعطي (رزة) وأناقة ويبرز رجولة الشاب ، ولا داعي

في اختيار الموظفين لإختيار ذوي (الكروش) الكبيرة حتى يكون الزي

لائق على الجميع .

أنفض الاجتماع بدبلوماسية كبيرة من كل الأطراف وبودية على رغم عدم

الاتفاق على هذه الجزئية المهمة ، ويرفض الجميع الوصول الى تسوية

في فبركة زيّ مشترك يرضي جميع الاطراف ، لكن وافق الجميع على

إجراء تصويت بينهم ليختاروا زياً واحداً فقط .

هنا أنا اطرح مساعدة هؤلاء في التوصل إلى أجمل وأوجه وأفضل زيّ

خليجي يصلح استخدامة ويكون منااسب للجميع ......
................

انا ادري انه كل شخص بيميل للوطنيه وبيقول زي دولتي هو الافضل
لكن احيانا يكون هناك رأي اخر ..

...................
يعجبني الزي الحجازي المخصر ...

وننتظر اراء البقيه ؟؟ ....

... والله انا يعيييبني الزي (( الكويتي )) احسه اريح واكثر اناقة .. .. ترا انا كل كنااديري كوييتية

×× ثانكس ×× ^_^
.. وتسلمين عــ المووضووع الفنتك .. ^_^

الله كان خاطري اناقش هالموضوع من زمااان

وبصراحه هو التغير ككل حلو بس بحدود..
يعني اللبس الاماراتي انا واااااايد يعيبني عجيب ...>>الختم عـ العوووووق ياربييي..

جوف الولد يوم يلبس العصامه حمدانية والا بدويه يطلع عجيييب..
وشكله اصغر بعد.. ويوم يلبس الغترة والعقال بعد حلو وتغييييير حلو ...أما الشماغ الأحمر بعد حلو والعصامه الوان رووووووعه رهيبه ..>>باختصار كل شي يركب عـ الكندوره الاماراتيه..

......

وعن الكندورة الكويتيه وسالفة الكروووووش هههههه احس عادي حق المكرشييييين

بس الصراحه..
الاماراتيه تعيبني اكثر ..

بس تبون الصراحه والصراحه راحه الكندورة السعوديه ماحبها خير شر ..
اول ماسرت السعوديه قمت اطالع الارض وربي اللي خلقني ماقدر ارفع عنوني احس شو ها مخصره... مابعلق اكثر نلتزم الحدود خخخخ

وكل واحد وذووقه..

تسلمين حياتووو Mo$4me

عـ الطرح المميز..

نرقب يديدج..

هههه ذووقج رهيييب ..و عنيف خخخ
وانا عن نفسي اتعيبني الكندورة الامارتية ......و الكويتية ... و السعودية ....خخخ

تسلمون حبايبي ع المرور الطيب ...

طبعا الإماراتي لأني إماراتية وافتخر وصراحة هو أصلا حلو Cool

تسلمين يالحلوة ع المرور الطيب ..

زائر

اكيد الاماااراتي ..والله وايد حلووو ..مثل ماا قلت عيوزه ..والله عجيب .....^_^..

تسلمين يا ختي ع المووضووع المميزه ......^_^...

ونترياا كل ابداعاااتج ......^_^...

مرورك هو الاحلى اخوي ...تسلم

اوهوووو كلهم كنادير بعد شو

يعني وحده واسعه ووحده ضيقه ووحده اكمامها ضيقه

صج ما عندهم سالفة ،،،، هوشه على الكنادير

كلهم كنادير

انا ما اشوف في فرق الافي الموديل وفرووقات بسيطه جدا

خليهم يفتحوون الشركة

ويكتبون البسوا كنادير فقط

ممنوع البناطلين والبدل

جان نادوني علشان اصلح امبينهم

طبعا الزي الاماراتي الان فعلا أنيق و goku

يخلي الولد الي يلبس ريال
و الشيبة يخليه شاب
يعني الي يلبس يكون في الاناقة بذاتها

بصراحة الكناديرالاماراتية

لاني احسها فنتك ويطلع الشكل عجيييب فديت اهل الامارات والله

يسلمووو حبيبتي ع المروور

الزي الاماراتي اكشخ

انا يعجبني الكويتي على جيونو احسه كاشخ
والاماراتي أحلى على ولد برستيج
السعودي حلو بعد

لكن الاحلى في الثلاثة انه ما فيهم كسرات ما بنتعب يوم نكوي

سوري
بس صراحة ترى الثوب البحريني مع الغترة والعقال
واااااااااااااااااااااااااااااااااااااااااااااااااااااااااااااااااااااااااااااااااااايد
احلى واكشخ يعني نفس ثوب الكويتي
لكن مع احترامي للجميع
الثوب الاماراتي (الكندورة)
كلش مأساة تدرون ليش عاد
سوري ترى مجرد رأي واتمنى انكم تحترمون راي
لان مافي( كلر) بس مو عن شي
وبعد سوري اذا زعلت احد
لان صراحة ما ابي احد يزعل مني خصوصا اعضاء المنتدى العجيب(همة وطموح)

» مواضيع ساخنه أيهما اكثر تأثرا بالسمعة السيئة الشاب أ م الفتاة
» توصيات و تقارير كاملة للسوق السعودي
» أمي أم ابني --- أيهما أختار
» أيهما تفضل..قلمك ام لسانك؟!
» أيهما أجمل قلب يحبك أم عين تحترمك ؟